Haga liron Vojslav Sheshel nga akuzat për krime lufte

Gjykata për Krime Lufte në Hagë thotë se ai nuk mbante asnjë përgjegjësi individuale për të gjitha akuzat. Vetë Sheshel më herët i ka mohuar të gjitha akuzat. 

 

Në 2014, Gjykata e lejoi të shkonte në Beograd, pasi u diagnostikua me kancer. Vetë 61-vjeçari nuk ka qenë i pranishëm në Gjykatë dhe ka refuzuar kërkesën e tribunalit për të ndjekur gjyqin me videolink. 

 

Vojslav Sheshel ka marrë pjesë në protestat antiqeveritare në zgjedhjet parlamentare serbe.

 

Sheshel ka qenë krahu i djathtë i ish presidentit serb, Slobodan Miloseviç, dhe ka qenë zëvendëskryeministër nga 1998 deri në 2000.

 

Ai u dorëzua vullnetarisht në Gjykatën e Hagës në 2003, dhe kur gjykata i caktoi një mbrojtës kundër dëshirës së tij, ai bëri grevë urie. 

 

Javën e kaluar ish lideri serbo-boshnjak, Radovan Karaxhiç, u dënua me 40 vjet burg për gjenocid dhe krime lufte në Bosnjë.