Rama zyrtarizon ftesën për Bashën, Basha: nuk i mbyll kurrë derën dialogut

Nëpërmjet një letre, Rama i shkruan Bashës se duhet ngritur një tryezë për dialog sy më sy për këtë reformë. 

 

Kryeministri shqiptar shton se ky forum qeveri-opozitë duhet të bëhet pa prezencën e ndërkombëtarëve, në mënyrë që t’u jepet partnerëve prova e vullnetit të përbashkët.

 

Këtë letër ai e mbyll me një pyetje: Ne jemi gati, ju a jeni? Pas kësaj letre ka reaguar kreu i opozitës, Lulzim Basha, i cili shprehet se nuk e ka lexuar atë, porse nuk ia mbyll derën dialogut.

 

Letra e Ramës vjen një ditë pasi në prani të komisionerit për zgjerim në BE, Johanes Han, i kërkoi Bashës publikisht që të ulen në bisedime.

 

Miratimi i reformës në drejtësi shihet si një ndër aktet më të rëndësishme për integrimin e Shqipërisë.