Cleveland konfirmohet në krye të Lindjes

Cavaliers mundën mbrëmë 107-87 Brooklyn, takim dominuar nga LeBron me shokë, ku ylli i Cleveland realizoi 24 pikë e 11 asist.

 

Mirë u paraqit edhe Love me 19 pikë e 10 rebaund, që ndihmuan ekipin të korrë suksesin e 53-të sezonal.

 

Chicago mban gjallë shpresat për një vend në play off në Lindje, duke mundur 103-100 ndaj Houston.

 

Për Bulls u dallua Mirotic me 28 pikë, që edhe pse e nisi ndeshjen nga stoli ishte më i miri në fushë.

 

Chicago përfiton edhe nga humbja e Indiana, 114-94 me Orlando për të shkuar në play off. 

 

Ndeshje fantastike ishte ajo e luajtur në Oklahoma, ku skuadra vendase mundi 119-117 Clippers, një takim me rivalitet dhe emocione mes dy ekipesh që synojnë vendin e tretë në Perëndim.

 

Oklahoma siguron vendin e tretë, ndeshje ku Durant realizoi 31 pikë e Westbrook 26 pikë e 11 asist.

 

Kjo dyshe fitoi sfidën me dyshen Crawford-Rivers, që së bashku realizuan 64 pikë, por që s’mjaftuan për të evituar humbjen.