Dita ndërkombëtare e autizmit

Vlerësimi vjen nga zonja e parë e shtetit Maja Ivanova e cila mbështeti ngjarjen në kopshtin zologjik për shënimin e dy prillit, ditës ndërkombëtare të autizmit.

 

Rreth njëqind fëmijë bashkë me prindërit e tyre nëpërmjet programit edukativ dhe argëtues kishin ardhur për të shënuar këtë ditë. Sipas Ivanovës është punuar mjaft në fushën e autizmit por duhet akoma për të punuar në këtë drejtim.

 

“Do të duhet të përqëndrohemi në dijagnostifkimin dhe parandalimin e hershëm, hapjen e më shumë qendrave ditore në mbarë vendin që do të trajtojnë fëmijët me autizëm. Do të duhet të bëhet edhe trajnim i kuadrit profesional. Me rëndësi është formimi i një regjistri për të ditur se sa persona kemi me autizëm dhe ajo që është për mua më me rëndësi është hapja e qendrës dijagnostifikuese për autizëm, shpresoj se së shpejti do të hapet”, tha Maja Ivanova, bashkëshortja e presidentit Ivanov.

 

Nga shoqata e defektolëgve të Maqedonisë kërkuan që të rritet numri i defektologëve në shkolla dhe kopshte për fëmijë si dhe tu sigurohen kushte më të mira fëmijëve për tu përfshirë në procesin arsimor. Statistikat flasin se numri i personave me autizëm në maqedoni është në rritje.

 

“Kjo nuk është një sëmundje e thjeshtë, paraqet gjëndje e cila tek fëmijët të ndryshëm prezantohet në fomra të ndryshme. Statistikat tona flasin se numri I fëmijëve të prekur nga autizmi është rritur dhe në klinikë shohim çdo ditë e më shumë fëmijë të cilët në moshë të hershme reflektojnë sjellje të autizmit. Andaj vijmë në përfundim se sa më shpejtë I detektojmë ato sjellje jo normale në zhvillimin e tyre mundësitë për mënjanimin e tyre janë më të mëdha”, tha Aspazija Sofijanova, pedijatre.

 

Maqedonia nga viti 2010-të është kyçur në shënimin e ditës botërore të personave me autizëm. Që atëherë e këndej në vend është ngritur zëri për rritjen e vetëdijes ndaj këtij çrregullimi shpirtëror. Për t’iu bashkangjitur fushatës botërore në mbështetje të personave me autizëm, gjatë natës disa objekte në Shkup do të ndriçojnë me ngjyrë të kaltër.