Në Shkup 31 aksidente për tri ditë, 13 të lënduar
Pesë persona janë lënduar rëndë, ndërsa tetë kanë marrë lëndime më të lehta në 13 prej 31 fatkeqësive të evidentuara në komunikacion në tre ditët e kaluara në Shkup...
Në aksidentet e tjera është shkaktuar dëm material, informoi inspektori i pavarur, Dragan Veljanoski nga SPB - Shkup.
Gjatë tre ditëve të kaluara policia e komunikacionit ka zbuluar dhe ka sanksionuar 92 drejtues të cilët kanë drejtuar automjetin me shpejtësi më të madhe se shpejtësia e lejuar, 21 të cilët e kanë drejtuar automjetin nën ndikimin e alkoolit dhe janë përjashtuar nga komunikacioni, 11 kanë kaluar në semafor të kuq, 22 nuk e kanë shfrytëzuar rripin e sigurimit apo kanë folur në celular, ndërsa 12 gjatë ngasjes së biçikletës me motor ndihmës, moped, motoçikletë nuk kanë mbajtur helmetë.
Me ndihmën e automjetit special karrotreci janë hequr 79 automjete të cilat në masë të madhe e kanë penguar zhvillimin normal të komunikacionit. (mia.mk)