Gara e femrave në Shkup, vrapuan 1000 garuese
Rreth 1000 garuese morën pjesë në garën e madhe të femrave në vrapim që u mbajt në Shkup, me çrast ato vrapuan dy kilometra rreth liqenit në Parkun e qytetit...
Vendi i parë i takoi Hajrie Azirit, Violeta Ivanoviq ishte e dyta, ndërsa në vendin e tretë u rradhit Bojana Naumovska.
Garueseve më të mira në disa kategori sipas moshës iu ndanë medalje dhe diploma, ndërsa u organizua edhe lotari për të gjithë pjesëmarrëset.
Gara është pjesë e aktiviteteve promovuese për ngjarjen sportive më masive në Maqedoni, Maratona e Shkupit që do të mbahet më 8 maj.
Deri tani për Maratonën e Shkupit janë paraqitur më shumë se 4.500 garues nga 38 shtete, ndërsa aplikimi për pjesëmarrje është i hapur deri më 29 prill prandaj numri i pjesëmarrësve pritet të rritet.
Gara e femrave është pjesë e aktiviteteve promovuese në Maratonën e Shkupit qëllimi i së cilës është që të popullarizohet vrapimi si aktivitet sportiv.
Mbetet të mbahet edhe gara e fëmijëve që ka për qëllim vrapimin t'ua afrojë edhe më të vegjëlve.