Ahmeti takon Petersen, Ahmeti: Ivanov të tërheqë urgjentisht vendimin
Kreu i BDI-së, ndërkohë, edhe sot ka kërkuar që Ivanov të tërheqë vendimin e djeshëm...
Në një takim me Jan Petersen, drejtuesin e misionit të ODIHR-it në Maqedoni për zgjedhjet e jashtëzakonshme, Ahmeti e ka cilësuar “vendimin e të ashtuquajturit presidenti Ivanov-siç është shprehur,- si vendim kontestues dhe të padrejtë, që cenon Marrëveshjen e Përzhinës dhe të arriturat e deritanishme të saj.
Si i tillë ai duhet të tërhiqet pa asnjë vonesë, ka potencuar Ahmeti. Për të, kjo krizë, ndër më të rëndat politike në të cilat ka kaluar vendi, zgjidhet vetëm me mbajtjen e zgjedhjeve dhe zbatimin deri në fund të marrëveshjeve të liderëve.
Ahmeti u apelon politikanëve maqedonas të tejkalojnë interesat e ngushta partiake, sepse shteti, institucionet dhe qytetarët nuk mund të mbeten peng i kalkulimeve partiake dhe politike të cilësdo palë.