Maqedoni
SPG: Punonjësit mediatikë, shënjestër e dhunuesve, me apo pa uniforma
14.04.2016 11:45
Sindikata e pavarur e gazetarëve dhe të punësuarve në media ka reaguar lidhur me keqtrajtimin e gazetarëve në protestat e djeshme...
Siç thuhet në reagimin e kësaj sindikate , një gazetar - fotoreporter është lënduar, ndërsa kolegë të tjerë janë tërhequr zvarrë dhe ndaj tyre është përdorur force e pashembullt dhe arrogancë.
“Në një situate kur dhjetra sulme ndaj ekipeve të gazetarëve nuk janë ndriçuar, dhe kryerësit nuk janë gjetur, ngjarjet e mbrëmshme edhe njëherë dëshmuan se gazetaria në këtë vend ka trajtim të veprimtarisë armiqësore dhe se gazetarët, xhiruesit dhe fotoreporterët janë shënjestër e lehtë e dhunuesve qofshin ata me uniformë ose jo”, thekson Sindikata e pavarur e Gazetarëve.
Për incidentet e mbrëmshme sindikata paralajmëron padi penale për kryerës të panjohur dhe ankesë deri te kontrolli i brendëshëm i MPB-së.
Reagim edhe nga Plenumi Studentor nga i cili kërkojnë lirimin e të arrestuarve në protestën e mbrëmshme, disa prej të cilëve thuhet se kanë qenë student. Nga Plenumi Studentor paralajmërojnë vazhdimin e protestave.