SHBA, Clinton e Sanders debat me tone të ashpra

 

Ndër të tjera, Clinton dhe Sanders u përplasen per Wall Streetin, kontrollin e armëve dhe pagën minimale. Sanders ka fituar në 7 prej paraprakeve të fundit, por Clinton vazhdon të ruajë kryesimin.

 

“A e ka Sekretarja Clinton eksperiencën dhe inteligjencën për të qenë Presidente? Natyrisht që po. Ajo që vë në dyshim unë është gjykimi i saj”, tha Sanders. 

 

Sanders e ka kritikuar në vazhdimësi Clitnonin për lidhjet financiare me Wall Streetin, veçanërisht për fjalimet e paguara në një bankë investimesh. Ai e fajëson gjithashtu atë për mbështetjen e luftës në Irak. 

 

Ndërkohë, Clinton ngre dyshime nëse Sanders i ka menduar mirë propozimet e tij politike, pasi e pati të vështirë të parashtronte detaje gjatë një interviste për “New York Daily Neës”.

 

“Është e lehtë të bësh diagnozën e problemit. Por përpjekja për ta zgjidhur atë, është diçka tjetër”, tha ajo.

 

Tensionet ishin të dukshme gjatë gjithë kohës, me Sanders që shpesh tallej me përgjigjiet e Clinton dhe këtë të fundit që nuk e linte të fliste. Deri më tani, demokratët i kishin evituar sulmet personale që kanë dominuar debatet republikane./Top Channel