Të rinjët më së shumti shfrytëzojnë internet
Të rinjtë në vend, më së shumti shfrytëzojnë internet dhe shohin televizion, ndërsa më pak dëgjojnë radio dhe lexojnë gazeta. Kështu ka rezultuar një hulumtim rajonal i organizatës “Metamorfozis”, ku po ashtu theksohet nevoja për më shumë hapësirë mediale për të rinjtë……….
Të rinjtë në Maqedoni, më shumë preferojnë të shfrytëzojnë internetin si medium që e vlerësojnë më efikas, se sa mediat tradicionale. Sipas hulumtimit rajonal të “Metamorfozis”, 77% e të rinjve internetin e shohin si më të rëndësishëm për edukim, 75% për informim dhe 60% si të rëndësishëm për promovim.
“Të rinjtë më së shumti i shfrytëzojnë mediat sociale për informim dhe jo shumë mediat tradicionale. Dhe problem tjetër i detektuar është lidhur me atë se sa u mundësohet të rinjve të kenë njohuri rreth mediave nga organizatat rinore dhe mediale”, - tha Elena Ignatova nga “Metamorfozis”.
Të rinjtë në Maqedoni janë gjysëm milion banorë, prandaj duhet të trajtohen si partner, vlerësojnë nga Forumi Rinorë Arsimorë.
“Imazhi i të rinjve i prezantuar nëpërmjet mediave, shkon nga një skajshmëri te skajshmëria tjetër, nga ajo se të rinjtë janë ardhmëria e Maqedonisë, një frazë tradicionale e deri te skajshmëria tjetër se të rinjtë janë problem në këtë vend, pasi janë imun ndaj dhunës dhe për ta dikush duhet të kujdeset”, - deklaroi drejtori i Forumit Rinorë Arsimorë, Marijan Zabrçanec.
Por, sipas hulumtimit të “Metamorfozis”, 76% e të rinjve lexojnë lajme elektronike, ndërsa 66 % shfrytëzojnë internet nga celulari. Sa u përket mediave tjera, 58% e të rinjve në Maqedoni shohin televizion, 40% dëgjojnë radio, ndërsa 22% lexojnë gazeta, ndërsa 14% e të rinjve në vend, asnjëherë nuk kanë lexuar gazeta.