Idomeni, migrantët sërish bllokojnë hekurudhën

Hekurudha u hap vetëm një kohë të shkurtër, pas ç'ka migrantët sërish vendosën tenda dhe gurë të mëdhenj në binarë për ta bllokuar atë.

Situata në Idomeni mbetet e tensionuar, pasi dje është lënduar një shtetas sirian.

Policia greke përdori edhe gaz lotsjellës kundër një grupi migrantësh, të cilët kanë gjuajtur me gurë ndaj një furgoni policor, duke pretenduar se ai e ka shkelur sirianin e lënduar.

Sipas burimeve policore, njësitet policore për shpërbërjen e trazirave shpejt kanë intervenuar dhe e kanë shpërndarë grupin e migrantëve agresivë.