Botë
Të paktën 21 të plagosur gjatë shpërthimit në një autobus në Jerusalem
19.04.2016 10:43
Të paktën 21 persona janë plagosur mbrëmë gjatë shpërthimit të bombës në një sutobus në pjesën jugore të Jerusalemit, kumtoi policia izralite...
Sipas burimeve spitalore, ashtu siç lajmëroi Bi-Bi-Si, dy nga personat e lënduar janë në gjendje kritike.
Pjesa më e madhe e të plagosurve ishin në autobus, por mes tyre ka edhe udhëtarë të një automobili i cili ka kaluar pranë autobusit gjatë shpërthimit të bombës. Përveç automobilit gjatë shpërthimit është dëmtuar edhe një autobus në qarkullim, në të cilin nuk ka pasur udhëtarë.
Në kumtesën policore potencohet se bomba ka shpërthyer në pjesën e pasme të autobusit.
Një përfaqësues i policisë për televizionin Kanal 2 deklaroi se inspektorët mundohen të konfirmojnë se kush e ka vendosur bombën. Ai, megjithatë, refuzoi t'i komentojë pohimet e disa mediave se njëri nga udhëtarët e lënduar nuk ka pasur dokumente për identifikim personal dhe se është i dyshuar si kryerës i sulmit./mia