Kumanovë: Protesta kundër vendimit të Ivanovit

Për  të dytën ditë radhazi  edhe në Kumanovë,  po protestohet për të kundërshtuar  vendimin e presidentit Gjorgje Ivanov për falje kolektive të personave që janë nën hetim të Prokurorisë Speciale Publike.

Protesta sikurse mbrëmë edhe sonte  filloi para  godinës së Gjyqit themelor të Kumanovës, kurse më pas protestuesit defiluan edhe nëpër rrugët tjera të qytetit.  Gjatë gjithë kohës prezente ishin edhe forcat policore të cilat  kujdeseshin për rendin dhe qetësinë gjatë protestës.

Ndryshe Protestat  po mbahen në organizim të më shumë organizatave joqeveritare, por prezent janë edhe krerët e LSDM-së në Kumanovë. (Nexhat Aqifi, TVM2)