Projekti më i ri nga Apple, iPhone i gjithi prej xhami

Sipas 9to5Mac, gjigandi i teknologjisë do ta rimodelojë tërësisht smartphone-in e tij.

 

iPhone nuk do të ketë me kasë alumini, por do të jetë i gjithi prej xhami. Kjo do të kompletohet edhe me anët e lakuara me pamje OLED. Problemi i vetëm? Këto ndryshime pritet të vijnë në 2017-ën.

 

Sipas thashethemeve që qarkullojnë në mediat mbi teknologjinë, Apple pritet që të bëjë ndryshime si në pamjen e jashtme ashtu dhe të brendshme të iPhone-it.

 

Ndërkohë iPhone 7, që pritet të prezantohet në Shtator, do të ketë një pamje të ngjashme me iPhone 6  iPhone 6S dhe do të jetë iPhone 8 që do të dalë në 2017 –ën, ai që do të jetë ndryshe.