Arrestohet Zdravko Saveski, “E Majta”: Tendencë për të ngulfatur protestat

Ai nga policia ngarkohet për pjesëmarrje në turmë, ndërkaq i rrezikohet privimi nga liria deri në tre vjet. Dyshimet e “Së Majtës” janë se Saveski është marrë në pyetje si pasojë e protestave të 13 prillit, ku demonstruesit u futën në zyrën popullore të presidentit Ivanov, një ditë pasi ai fali politikanët dhe bashkëpunëtorët e tyre.

 

Për marrjen në pyetje të Saveskit kanë reaguar nga partia e tij të mbledhur para Gjykatës Penale. Sipas tyre, pushteti me arrestimet tenton të ngulfat revoltin e popullit, andaj dërguan tre porosi institucioneve.

 

“Porosia e parë është për ministrin dhe zëvendësministrin për Punë të Brendshme, që t’i evidentojnë, por të mos i proceduojnë këto kallëzime penale derisa nuk përfundon kriza politike. Kërkesa e dytë i drejtohet Prokurorisë Publike, që të mos kërkojë arrestime për këto lëndë, dhe porosia e tretë është për Gjykatësin e lëndës, të mos shqiptojë masë paraburgimi, por të lë që drejtësia të arrihet pa kurrfarë trysnie.”- deklaroi anëtari i “E Majta”, Dimitar Apasiev.  

 

Apasiev thotë se Saveskit i përgatitet teren për paraburgim. Në kërkim të policisë janë edhe katër bashkëpartiakë të Saveskit. Nga ”E Majta” porositin ata që mos të paraqiten në polici, pasi që do të arrestohen.