Armeni, shpërthen autobusi, dy të vdekur dhe shtatë të plagosur

Shoferi i autobusit është pista kryesore e hetuesve, pasi ai i ka mbijetuar sulmit. Por, autoritetet hedhin poshtë idenë e ndonjë problemi në autobus.

“Duket qartë se shpërthimi nuk ka ardhur nga defekti në karburatorin e autobusit. Shpërthimi ka lënë pas një krater dhe kjo na jep indikacione se ka ardhur si pasojë e një shpërthimi të menduar.”- deklaroi ministri i Brendshëm i Armenisë, Vladimir Gasparyan.

Gjithsesi, autoritetet po hetojnë shkakun e shpërthimit, por deri tani askush nuk ka marrë përsipër ndonjë sulm.

Frika për një sulm të mundshëm terrorist është rritur pas tensioneve në rritje në kufirin me Azerbajxhanin. (Gazmend Kurtishi, TVM2)