Sindikata e Kulturës, protesta para Ministrisë së Kulturës

Ata me këtë rast shprehën mospajtim me ndryshimet në Ligjin për kulturë, pagat e ulëta, kërkuan marrëveshje të re kolektive, pasi që marrëveshja ekzistuese që prej para 10 vitesh nuk ka pësuar asnjë ndryshim, dhe kërkesa tjera.

 

“Kërkesa e të gjitha organizatave sindikale është kjo: ndërprerja e hyrjes në fuqi të ndryshimeve ligjore të vitit 2014. Me inaugurimin e parlamentit të ri, në njëqind ditët e para të tërhiqen të gjitha ndryshimet, ku të gjitha nenet përmbajnë ndalesa, dënime, masa restriktive, me qëllim që të shkatërrohet arti dhe njerëzit të jenë të kontrolluar gjithkund dhe gjithmonë.”- deklaroi kryetari i Sindikatës në Ministrinë e Kulturës, Viktor Ilieski.

 

Nëse nuk përmbushen kërkesat e tyre, ata pas fillimit me punë të përbërjes së re parlamentare paralajmërojnë fillimin e grevës.

 

Njëherit u shpreh pakënaqësi edhe ndaj Gjykatës Kushtetuese, e cila, siç u tha, nuk ka ngritur procedurë për vlerësimin e kushtetutshmërisë së Ligjit për sektorin publik.