Siri, sulmohet spitali në Alepo, 20 të vdekur

Në mesin e të vrarëve janë edhe tre fëmijë, alarmojnë “Mjekët pa kufij”. Sulmi dyshohet se është kryer nga forcat e regjimit, në një qark që kontrollohet nga rebelët.

Dhuna në Siri është intensifikuar ditëve të fundit, pavarësisht armëpushimit.

I dërguari i Kombeve të Bashkuara për krizën në Siri u ka bërë thirrje Shteteve të Bashkuara dhe Rusisë që të ndërhyjnë urgjentisht për të shpëtuar bisedimet për paqe. Duke folur pas informimit të Këshillit të Sigurimit të OKB-së, Staffan de Mistura ka thënë se armëpushimi në Siri, i arritur në muajin shkurt, mezi mbahet  gjallë.