Kaliforni, Donald Trump pritet me protesta

Të paktën 20 persona u arrestuan nga policia e vendit gjatë protestave në të cilat qindra persona bllokuan rrugët në Kaliforni, ku kandidati republikan për president, Donald Trump, ka mbajtur një tubim.

 

Reagimi i qytetarëve vjen si rrjedhojë pas deklaratave të Trampit, i cili kishte premtuar se nuk do të lejonte depërtimin e miliona emigrantëve të paligjshëm në këtë zonë në rast se zgjidhet president i ShBA–ve.

 

Tramp po përballet me kundërshtim të fortë në disa pjesë të Kalifornisë, veçanërisht në mesin e latinëve. 

 

Tramp një ditë më parë mori një goditje të fortë nga kundërkandidati i tij republikan, Ted Kruz, pasi që deklaroi se kishte zgjedhur biznesmenen, Karli Fiorina, si zëvendëspresidente.

 

Tramp tha para turmës se është hera e parë në histori që një kandidat, i cili është “matematikisht i vdekur” në garën për Shtëpinë e Bardhë, deklaron kandidatin e mundshëm për zëvendëspresident. 

 

Tubimi i Donald Trump po mbahej në një amfiteatër të mbushur me rreth 18 mijë njerëz, ndërsa qindra të tjerë që rrinin jashtë.