Kaliforni, protestë e ashpër kundër Donald Trump

Policia deri më tani ka arrestuar të paktën 20 persona. Ky reagim i qytetarëve ka ardhur pas deklaratave të Tramp, i cili kishte premtuar se nuk do të lejonte depërtimin e miliona emigrante të paligjshëm në këtë zonë, në rast se zgjidhet president i SHBA-ve.

Tramp po përballet me kundërshtim të fortë në disa pjesë të Kalifornisë, veçanërisht në mesin e Latinëve.

Ndërkohë një ditë më parë Trampi mori një goditje të fortë nga kundër kandidati i tij republikan Ted Kruz, pasi ai deklaroi se kishte zgjedhur biznesmenën Karli Fiorina si zëvendës presidente.

Tramp tha para turmës se është hera e parë në histori që një kandidat i cili është “matematikisht i vdekur” në garën për Shtëpinë e Bardhë deklaron kandidatin e mundshëm për zëvendës president.

“Kruz ka dështuar. Senatorët nuk e duan atë. Ai është ai djalosh senator i Shteteve të Bashkuara dhe është aq i pa pëlqyer saqë askush nuk e përkrah. Ndërsa ai mendon se do të Wtojë dhe deklaron zëvendësuesin e tij”, tha Donald Tramp.

Amfiteatri ku po mbahej tubimi i Trumpit ishte mbushur me rreth 18 mijë njerëz dhe qindra të tjerë që rrinin jashtë.