Trazirat në Irak, protestuesit largohen nga “zona e gjelbër”

Largimi i tyre vjen pas  urdhrit të kryeministrit të Irakut, Haider al Abadi, për arrestimin e aktivistëve myslimanë shiitë që mësynë të shtunën ndërtesën e Parlamentit.

Qindra mbështetës të klerikut të fuqishëm shiit, Moktada al Sadr, qëndruan përpara ndërtesës së Parlamentit në Bagdad, një ditë pas mësymjes së saj mes zemërimit që ka ngjallur në radhët e tyre vonesa e aprovimit të një qeverie teknokratësh.