Cleveland fiton Atlantan me rekord, 25 trepikësha

Një takim ku dominimi i ekipit të Cavaliers ishte absolut, duke e merituar fitoren. Mjaftuan dy periodat e para që skuadra e Cleveland të vulosë fitoren, duke u shkëputur 74-38.

Por rekord ishin 25 gjuajtjet e sakta për tri pikë që skuadra e Cavaliers realizoi në këtë takim, shifra më e lartë e realizuar ndonjëherë në NBA në sezonin e rregullt apo play off.

LeBron James realizoi 27 pikë, ndërsa Smith 23, një dyshe që shkëlqeu në fushë për vendasit. Për Atlantën nuk mjaftuan 16 pikët e Millsap për të evituar humbjen.

Ndeshjet e radhës mes këtyre dy ekipeve do të luhen në fushën e Hawks.