Siri, marrëveshje armëpushimi në Alepo

Armëpushimi hyri në fuqi në mesnatë, sipas orës lokale. Qeveria siriane tha se do t’a respektonte armëpushimin, por shtoi se ai është i vlefshëm vetëm për 48 orë.

Ekzistojnë shqetësime se qeveria siriane mund të godasë grupe që nuk janë pjesë e marrëveshjes.

Zyrtarët amerikanë thonë se ndërsa ka pasur luftime në Alepo edhe pas armë-pushimit, në tërësi luftimet kanë rënë.

Shtetet e Bashkuara dhe Rusia janë bashkëkryetare të një grupi pune, që synon të shpëtojë marrëveshjen e armëpushimit që u arrit në muajin shkurt.