Proceset gjyqësore nën ndikim të politikës, për vendime të drejta, me gjyqësor të unifikuar

Juristet dhe ekspetet ne vend vlerësojnë  se tani është koha e duhur për një unifikim gjithëpërfshirës  në sistemin gjyqësor, që do të ndikonte jo vetëm në përmirësimin të imazhit të gjykatave besimi i cili per shkak të mungesës së efikasitetit dhe transparences  është i humbur, por dhe do të mundësonte gjithashtu  një epilog ndryshe për të gjitha rastet të cilat dyshohen si të montuara politikisht.

Petar Arsovski, njohes i mire i rrethanave politike në vend, konsideron se gjykatat  nuk luajnë  rolin që kanë, dhe kjo sipas tij është një fatkeqësi e madhe, sepse pamundësohet  besimi  i qytetarëve në drejtësinë e vendit.

“Për fat të keq bindja ime është se në Maqedoni shumë procese gjyqësorë po zhvillohen nën ndikim të politikës apo grupe të caktuara biznesore. Duhet të jemi të vetëdijshëm se nuk ka sisteme juridike ideale. Gjykatat në Maqedoni nuk luajnë rolin që duhet,  dhe nuk po arrijnë  që të krijojnë  një praktikë  të unifikuar gjyqësore. Përgjegjësia për të gjitha rastet për të cilat thuhet se janë të montuara politikisht bie mbi prokurorët dhe gjykatësit të cilët nuk po kryejnë  punën e tyre në bazë të ligjit” – deklaroi analisti, Petar Arsovski.

Edhe për avokatin mbrojtës  Naser Raufi, ekzistojnë dilema dhe dyshime serioze për raste  gjyqësore të montuara, sidomos pas publikimit të disa bisedave të përgjuara nga ana liderit të opozitës Maqedonase Zoran Zaev. 

E vërteta sipas Raufit  mund të zbardhet vetëm nëse lëndët siç janë Sopoti, Monstra, dhe Lagja e Trimave, kalojnë në hetim që nga fillimi  në  Prokurorinë  Speciale.

“Mendoj që nuk është momenti me të vërtet që të gjykohen kësi raste të montuara në këtë periudhë, kur jemi me një prokurori speciale dhe në krejt avokatët kemi kërkuar që këto tre raste apsolutisht të jenë në kompetenc të Prokuroris  Speciale  Publike. Së pari ne besim kemi vetëm te kjo prokurori pasi jemi dëshmitar se si punon krimi i organizuar dhe prokuroria e rregullt. Por përveç kësaj të trek to raste kanë të bëjnë me telefonatat e përgjuara edhe kjo është një plus që ingerenca dhe kompetenca është apsolutisht e PS”- tha avokati Naser Raufi.

Raufi shprehet se me rëndësi është që të tregohet kapacitet për ndërtimin e institucioneve të cilat me kredibilitet mund të udhëheqin procese gjyqësore. (Sanije Duraku, TVM2)