Eurosong 2016, ethet kanë filluar, gjysmëfinalja e parë nesër live në TVM2

Gjysmëfinalja e parë është nesër në orën 21, në fund të së cilës do të dihen edhe finalistët e parë.

Shqipëria dhe Maqedonia garojnë të enjten dhe ky është lajm i mirë për të gjithë ne, pasi edhe sivjet kemi të drejtë të votojmë për këngën shqiptare për t’a dërguar në finalen e madhe.

Mbrëmë, në Rojal Hause, në Stokoholm, u shpall edhe zyrtarisht i hapur festivali i sivjetmë me parakalimin e këngëtarëve dhe delegacioneve në qilimin e kuq.

Përfaqësuesja e Shqipërisë, Eneda Tarifa, dhe Kaliopi që sivjet përfaqëson Maqedoninë, këtë mbrëmje e shijuan më mirë se të gjithë.