Kryqi i Kuq hapi Qendrën e re për logjistikë

Në Shkup u hap sot Qendra e re për logjistikë e Kryqit të Kuq. Me këtë rast, Kryqi i Kuq i Maqedonisë iu bashkëngjit Ditës Botërore të Kryqit të Kuq dhe Gjysmëhënës së Kuqe, që sivjet u shënua nën moton “Gjithkund për gjithsecilin".

 

Qëllimi i Qendrës për logjistikë është përforcimi dhe përparimi i kapaciteteve për përkrahje logjistike të shoqatës nacionale.

 

“Bëhet fjalë për një kapacitet që në të ardhmen do të na mundësojë ne si organizatë, si Kryqi i Kuq, t’i përmirësojmë shërbimet tona, që të mundemi në mënyrë më efikase të realizojmë misionin dhe vizionin e Kryqit të Kuq të Maqedonisë.”- deklaroi sekretari gjeneral i Kryqit të Kuq, Sait Saiti.

 

“Kryqi i Kuq i Gjermanisë ka dhënë një kontribut për rikonstruimin e këtij objekti dhe presim se do ketë përforcim dhe  përparim të kapaciteteve të Kryqit të Kuq këtu në Maqedoni.”- tha përfaqësuesi i Kryqit të Kuq të Gjermanisë, Mario Gajger.

 

Qendra për logjistikë në lagjen “Momin Potok”0 ka një hapësirë prej 1000 metra katrorë dhe investimi kap vlerën prej 20 milionë denarësh.