MPB njofton KShZ-në: Maqedonia numëron 1.958.844 votues dhe 2.464.266 shtetas

Deri mbrëmë, siç informojnë nga Komisioni Shtetëror Zgjedhor, nuk ka arritur asnjë listë për kandidatët për deputetë. 

 

Ndërsa KShZ mbrëmë mbajti seancë në të cilën e shqyrtoi raportin nga regjistri i shtetasve të dorëzuar nga Ministria e Punëve të Brendshme, i cili dëshmon se është rritur numri i personave me të drejtë vote, gjegjësisht banorët e moshës madhore arrijnë në 1 milionë e 958 mijë 844 persona.

 

Personat minorenë janë 505 mijë e 422, ndërsa gjithsej, sipas MPB-së, Maqedonia numëron 2 milionë e 464 mijë e 266 shtetas. 

 

Në lidhje me diasporën, deri te KShZ-ja kanë arritur 6.686 fletëparaqitje për votim të shtetasve të Maqedonisë të cilët qëndrojnë jashtë vendit.