Bagdad, shpërthim i një makine bombë, 64 persona të vrarë dhe 87 të plagosur

Shpërthimi ka ndodhur në qarkun shiit, Sadr Siti, kur tregu ishte përplot me njerëz. Përgjegjësinë për sulmin e ka marrë i ashtuquajturi “Shtet Islamik”.

 

Zyrtarët raportojnë se pjesa dërmuese e viktimave janë gra dhe fëmijë, ndërsa janë shkaktuar edhe dëme të shumta materiale, ku u dëmtuan shumë ndërtesa dhe automjete në të njëjtin qark.

 

Ekstremistët sunitë të “Shtetit Islamik”, që vazhdojnë të kontrollojnë zona në veri dhe perëndim të Irakut, sulmojnë shpesh zonat e dominuara me shiitë.