Eurovision 2016, fituese Jamala nga Krimea që përfaqësoi Ukrainën

Në natën finale të zhvilluar në Stokholm të Suedisë, Kënga fituese “1944” siguroi 534 pikë, ndërsa i dedikohej deportimit të tatarëve nga krimea nën regjimin e Stalinit.

 

Në vendin e dyt u rradhit Australia me 511 pikë,ku Shqipëria e  vlerësoi me 12 pikë këngën e Australisë  ndërsa këngëtarja Dami Im në shenjë falenderimi ka bërë shqiponjën, edhe Rusia në vendin e tretë, me 491 pikë, edhe pse ishte pretendentja kryesore për ta fituar garën.

 

Jamala është këngëtarja e parë e etnisë tatare nga Krimea, që performoi në një festival të tillë, ndaj dhe shkaktoi pakënaqësi përpara shfaqjes finale për shkak se kënga e saj cilësohej si “politike”.

 

Kjo sepse kënga i referohej vitit kur Stalini deportoi thuajse të gjithë grupin etnik nga rajoni i tyre ku kishin lindur, Krimea, në atë kohë pjesë e Bashkimit Sovjetik, ndërsa më pas u bë pjesë e Ukrainës, deri para pak vitesh kur Putin e rimori sërish nën pushtetin e Kremlinit.

 

Pas marrjes së çmimit, Jamala mes emocionesh ka falënderuar Europën për votat që i dhanë këngës së saj, ndërsa shtoi se “në fakt ajo kërkon paqe dhe dashuri për të gjithë”.

 

“Është fantastike. E dija se po të flisje për të vërtetën, ajo i prek thellë ndjenjat e njerëzve”, tha Jamala, fituese e Eurovision 2016

 

Në festivalin evropjan të këngës morën pjesë edhe Maqedonia dhe Shqipëria  ku Shqipëria u vlersua vetëm me 45 pikë për këngën PËRRALLA  të interpretuar nga Eneda Tarifa të cilat nuk ishin të mjaftueshme për tu kualifikuar në natën finale.