“Revolucioni i Larmë”, protestojnë para qeverie dhe kuvendi (FOTO)

Protesta e “Revolucionit Laraman” edhe sonte nisi para Prokurorisë Speciale, në shenjë mbështetje ndaj këtij institucioni, ndërsa në mesin e kërkesave kryesore protetuesit kanë tërheqjen e vendimit të presidenti Ivanov për abolimin e 56 politikanëve.

 

Protestuesit hodhën ngjyrë në Qeveri dhe në Kuved. Protestuesit sonte shprehën revoltën e tyre me shprehjet se më nuk do të lejojnë të korruptuarit të sundojnë me jetën e qytetarëve dhe se do të luftojnë për një vend më të mirë. 

 

 

Protestuesit poashtu kërkojnë edhe dorëheqjen e presidentit Ivanov, deklarimin e gjykatës kushtetuese për kushtetutshmërinë e Prokurorisë speciale Publike dhe formimine një qeverie kalimtare e cila do ti implementojë deri në fund reformat nga raporti i PRIBE-së.

 

Ajo që e veçonte këtë ditë ishte edhe vendosja e kukullave me fytyrat e ish ministrave Janukullovska, Janakievski dhe Protuger.

 

Njëherit protestuesit kërkojnë që edhe sektori civil të përfshihet në bisedime për zgjidhjen e krizës politike në vend, pasi siç thonë politikanët vetëm po e thellojnë krizën, të cilës nuk po i duket fundi edhe pas anulimit të datës së zgjedhjeve, që ishte njëra nga kërkesat e protestuesve dhe e vetmja që u plotësua deri më tani.

 

Protesta kaloi e qetë dhe protestuesit paralajmeruan se ato do të vazhdojnë edhe gjatë ditëve në vijim.