Toronto befason sërish, barazon në ndaj Cleveland

Pas dy fitoreve që Cleveland arriti në fushën e saj në dy finalet e para ka ardhur reagimi i Torontos, që fitoi dy ndeshjet e tjera.

 

Kanadezët fituan mbrëmë 105-99 ndaj Cavaliers në finalen e katërt të luajtur mbrëmë në Toronto, duke barazuar 2-2 serinë e ndeshjeve.

 

Një ndeshje me rivalitet dhe emocione edhe pse loja e skuadrave ishte me luhatje.

 

Lowry dhe DeRozan realizuan së bashku 67 pikë (35 për të parin dhe 32 për të dytin), një dyshe që sërish bëri diferencën në parket, duke i dhuruar fitoren skuadrës kanadeze.

 

Për Cavaliers nuk mjaftuan 29 pikët e James dhe 26 të Irving, që edhe pse tentuan të fitojnë nuk ia dolën dot mbanë.

 

Vendasit u treguan më të kujdesshëm nën tabelë në momentet e fundit, duke e merituar fitoren.

 

Ndeshja e radhës luhet në Cleveland, që ka pësuar dy humbjet e para në këtë play off.