Gjykata kushtetuese: Vendimi për shpërbërjen e kuvendit, antikushtetues

Gjykata Kushtetuese në seancën e sotme vendosi që të anulojë vendimin me të cilin Parlamenti u shpërbë më 18 janar si dhe vendimi për ndryshimin e vendimit për 23 shkurt me çka përfundimisht zgjedhjet e parakohshme paralamentare të parapara për me 5 qershor, nuk do të realizohen .  

 

Të gjithë nëntë gjyqtarët unanimisht e pranuan iniciativën e BDI-së për kushtetueshmërin e vendimit për shpërbërjen e Kuvendit.

 

Ky vendimi do të hyjë në fuqi pas publikimit në Gazetën Zyrtare të Republikës së Maqedonisë.  

 

Të mërkurën e kaluar u ngrit procesdurë dhe u shpreh dyshimi se vendimi për shpërbërjen e parlamentit është antikushtetues dhe u aprovua  masë e përkohshme për të ndaluar të gjitha veprimet që dalin prej saj, do të thotë vendimin për të mbajtjen e zgjedhjeve më 5 qershor dhe aktivitetet e ndërmarra zgjedhore nga KSHZ-ja. 

 

Menjëherë pas fillimit të procedures nga kushtetuesja të njëjtën ditë u thirr seanca Kuvendore ku u vendos për shtyrjen e zgjedhjeve, u konstatuan dorëheqjet e ministrave të LSDM-së dhe poashtu janë miratuar edhe disa ndryshime ligjore përfshie dhe ndryshimet në ligjin për falje që I mundëson presidentit të tërheqë abolimin.