Dita botërore e sklerozës multiplekse, të sëmurët: Na duhen terapi të reja

Kjo sëmundje prek kryesisht të rinjët nga mosha 20 deri në 40 vjeç duke shkaktuar edhe invaliditet. Në ditën botërore të sklerozës multiplekse, autoritetet u përpoqën të ngrejnë vetëdijen e qytetarëve rreth sëmundjes. 

 

“Në Maqedoni ka rreth 1200 të prekur nga multipleks skleroza, nga të cilët 370 janë të vendosur në terapi multimodulatore, terapi që i prolongon keqësimet që shkakton kjo sëmundje dhe në atë mënyrë të luftojmë invaliditetin që e sjell sëmundja”, tha Gabriella Novotni, neurologe.

 

“Sëmundjen e kuptova në moshën 20 vjecare , prej atëherë kam pasur sulme gjatë viteve. Sëmundja më është paraqitur gjatë vitit të dytë të fakultetit. Mbarova fakultetin i realizova dëshirat në jetë tani jam e martuar dhe kam fëmijë”, tha Ana Dimitrusheva, nga shoqata “Mobillnost”.

 

Shoqatat e të sëmurëve me sklerozë të shumëfishtë, kërkojnë terapi të reja, pasi terapitë aktuale nuk japin rezultat

 

“Do tu lutesha institucioneve që të marrin masa për sjelljen e terapive më të reja, të përfshira edhe në kuadër të Fondit, që të mund të parandalojmë invaliditetin. Terapitë që i kemi tani janë më të vjetra dhe kanë përqindje më të ulëta të suksesit në parandalimin e sëmundjes sonë. Në botë tashmë ka terapi bashkëkohore, me efekt prej 65 % të parandalimit të invaliditetit”, tha Dejan Georgievski, kryetar i shoqatës “Mobillnost”

 

Qytetarët kanë pak njohuri rreth sëmundjes dhe sklerozën e lidhin vetëm me faktin e harresës. 

 

“Kam dëgjuar,por unë sa edi është sëmundje që I kap më shumë personat në moshën e pleqërisë”, thanë qytetarët e anketuar nga TVM2.

 

Në botë ka mbi 2.3 milion njerëz të prekur nga skleroza multiplekse, por ka edhe shumë persona të tjerë në botë të cilët janë të prekur nga kjo sëmundje, por nuk janë të informuar pasi nuk e kanë vizituar mjekun.