Policia turke arretsoi 12 pjesëtarë të dyshuar të SHI-së

Dymbëdhjetë persona, për të cilët ekziston dyshimi se janë pjesëtarë të grupit xhihadist Shteti islamik (SHI), janë arrestuar në operacionin e policisë turke në qarkun e Bursës në pjesën veriperëndimroe të Turqisë, kumtoi sot edicioni elektronik i gazetës "Hyriet Dejli Njus".

 

Gazeta, duke iu referuar burimeve policore, thekson se numri i pjesëtarëve të dyshimtë të arrestuar të SHI-së në rajonin e Bursës mund të rritet pas marrjes në pyetje të personave të arrestuar deri më tnai.

 

Operacioni u zbatua mbrëmë vonë në tre komuna në qytetin e Bursës, me ç'rast janë arretsuar 12 persona, të cilët ngarkohen se kanë mbajtur lidhje me anëtarë të SHI-së në Siri.

 

Përveç në Bursë, policia zbatoi operacion edhe në qarkun Gaziantep në Turqinë juglindore, me ç'rast është bastosur shtëpia për të cilën ekzistonte dyshimi se e shfrytëzojnë anëtarë të SHI-së.

 

Gjatë bastisjes së shtëpisë, pjesëtarët e njësisë antiterroriste të policisë turke nuk gjetën dëshmi për aktivitete antiligjore./mia