Stërvitje e forcave shqiptare të sigurisë për ballafaqim me krizën e refugjatëve

Forcat Detare të Shqipërisë, Forcat Ajrore, Antikontrabandës Detare, Policia Kufitare dhe të Emigracionit, Qendra Operacionale Ndërinstitucionale Detare dhe Inspektoratit të Peshkimit sot zhvillua në rajonin e Kepit të Palit stërvitjen "Durrësi SAREX 16".

 

Siç njoftojnë mediat e Shqipërisë, qëllimi kryesor i kësaj stërvitjeje ishte trajnimi i forcave pjesëmarrëse për të zhvilluar operacione të kërkim - shpëtimit në det, në rast fatkeqësish dhe krizash të ndryshme humanitare.

 

Efektivët pjesëmarrës në stërvitjen “Durrësi SAREX 16” inskenuan një operacion kërkim - shpëtimi dhe kalimin e personave nga anija në helikopter. Pjesë e skenarit ishte edhe kundërshtimi nga ana e një anije të huaj e urdhrit të autoriteteve shqiptare si edhe refuzimi i saj për të kryer bordimin.

 

"Durrësi SAREX 16", u ndoq nga afër nga zëvendësministri i Mbrojtjes, Petro Koçi, komandanti i Forcës Detare, gjeneral brigade Ylber Dogjani, komandanti i Forcës Ajrore, gjeneral brigade Vladimir Avdiaj, komandanti i Forcës Tokësore, gjeneral brigade Nazmi Cahani, përfaqësues të pushtetit vendor dhe të institucioneve pjesëmarrëse në këtë stërvitje./mia