“Pranvera poetike e Tetovës”, Ajdini: Asnjë përkrahje nga ministria e kulturës

Pranvera poetike në Tetovë, ka filluar që në muajn mars në bashkëpunim me Aleancën Franceze.

 

Por klubi i shkrimtarëve “Oaneum” ankohet se nuk kanë mbështetjen e Ministrisë së Kulturës për asnjë nga projektet e tyre dhe të hollat i gjejnë duke këkruar ndihmë nga pushteti lokal apo firma të ndryshme.

 

“Kemi pritur nga ministria e kulturës , nuk na ka përkrahur ne ata shpirtërisht I kemi shpallur ata persona që na përfaqësojnë botën shqiptare, shpirtin shqiptar, poezinë shqiptare, I kemi shpallur persona Non Grata.Vetëm me kryetaren e Komunës së Tetovës vitin e kaluar kemi bërë një kontratë një marrëveshje për 1000 euro për arsye se, pikërisht nga Ministria e Kulturës, Komuna e Tetovës mer shumë pakë mjete dhe nuk kanë qenë në gjendje që të na ndihmojnë”, tha Ejup Ajdini, kryetar i klubit të shkrimtareve “Oaneum”.

 

Edhe pse një organizim modest, interesimi nuk mungoi pasi sic thanë organizatorët, Tetova njihet si qytet i poetëve dhe adhuruesve  të poezisë

 

“Tetova është vend I poezisë, në Tetovë ka lindur fryma poetike me Rexhep Voka , Tetova ka një Murat Isak një Abdulazis Islam do të thotë gjithmonë këtu sot e kësaj dite janë disa dhjetëra krijues nuk ndalon këtu është shpirti poetik I Tetovës prandaj edhe ne këtë manifestim e quajtëm Pranvera poetike në Tetovë”, shtoi AJDINI.

 

Në manifestim u ndanë mirnjohje edhe për poetët në shenjë vlerësimi për punën e tyre.