Edhe Zoran Popovski në garë për president
Popovski njihet edhe si themelues dhe anëtar i organizatës së Hulumtuesve të Rinj në Maqedoni, si dhe është anëtar i Federatës Ballkanike për laboratori klinike……….
Kandidati presidencial nga partia Opsioni Qytetar për Maqedoni, Zoran Popovski, është i lindur në Shkup, në vitin 1962.
Popovski është profesor në fakultetin e agrokulturës në universitetin “Shën Cirili dhe Metodi” në Shkup, ku momentalisht ligjëron biokimi dhe njëkohësisht është bashkëpunëtor në qendrën hulumtuese për inxhinieri gjenetike dhe bioteknologjike, pranë Akademisë së Shkencave.
Popovski ka marrë pjesë në shumë projekte kombëtare dhe ndërkombëtare, simpoziume dhe kongrese të lëndëve biokimike. Ai është publikues i shumë hulumtimeve dhe kontributeve shkencore nga sfera e agrokulturës, biokimisë dhe bioteknologjisë.
Popovski njihet edhe si themelues dhe anëtar i organizatës së Hulumtuesve të Rinj në Maqedoni, si dhe është anëtar i Federatës Ballkanike për laboratori klinike.
Në periudhën 2002 -2006, Popovski ka qenë sekretar shtetëror në ministrinë e Arsimit dhe Shkencës.
Popovski fushatën e fillon sonte në Shkup, gjegjësisht në komunën e Karposhit, ku momentalisht është edhe anëtar i Këshillit Komunal. (Nermin Mulaki-Fejzullahu, TVM2)