Dimitriev: Angazhim i shtuar për reformat prioritare

Pas mbledhjes konsultative në Qeveri, Dimitriev ¬tha se nga plani aksional i qeverisë dalin qindra masa, që prekin pothuajse të gjitha sferat, siç janë: gjyqësori, administrata publike, siguria, mediat, marrëdhëniet ndëretnike dhe sfera tjera. 

 

“Me një angazhim të fuqishëm të Qeverisë dhe të gjithë të angazhuarit për realizimin e reformave do t’a përfundojmë procesin ashtu siç kërkohet, sepse është me rëndësi të madhe për anëtarësimin e Maqedonisë në BE dhe NATO.”- tha kryeministri i RM-së, Emil Dimitriev.

 

Sipas Dimitrievit, një pjesë e reformave mund të realizohen nga vetë institucionet, por një pjesë është lënë për dialog politik mes partive politike, pasi për miratimin e disa ligjeve nevojiten dy të tretat e votave, që është dëshmi se ka hapësirë të mjaftueshme për përfshirjen e opozitës në procesin e miratimit të reformave.

 

Po ashtu ai theksoi se anulimi i faljes për politikanët është mundësi për uljen e tensioneve, edhe pse vlerëson se presidenti Ivanov ka pasur qëllim të mirë kur ka vendosur për faljen e 56 personave.

 

Kryeministri Dimitriev po ashtu vlerëson se shtyrja e zgjedhjeve e ka zgjatë krizën, pasi, sipas tij, të gjitha obligimet për realizimin e zgjedhjeve edhe më 24 prill edhe më 5 qershor ishin plotësuar. Zgjatja e krizës politike ka ndikim negativ për vendin, theksoi Dimitriev.