SHKA “Tradita”: “Mos dil, s’ ke për kë voton”

Shoqata për kulturë dhe art “Tradita”, me seli në Tetovë, përmes një konference për media, ka filluar fushatën sensibilizuese për bojkotimin e  zgjedhjeve presidenciale në Republikën e Maqedonisë nën moton “Mos dil, s’ke për kë voton”. 

 

"Me bojkotimin e këtyre zgjedhjeve presidenciale, ne i tregojmë fqinjëve tanë dhe botës, se ne nuk e meritojmë një president përjashtues si deri më tani, por një president i cili është bashkues dhe përfaqëson vullnetin e të gjithë qytetarëve të Republikës së Maqedonisë, pa dallim etnie, feje apo race... Me bojkotimin e këtyre zgjedhjeve presidenciale, ne i tregojmë fqinjëve tanë dhe botës se nuk mund të jemi pafundësisht vegël e të tjerëve, por se edhe ne kemi aftësi dhe kapacitete të fuqishme intelektuale për ta udhëhequr shtetin”, deklaroi kryetari i shoqatës “Tradita”, Selam Sulejmani.

 

Nga kjo shoqatë u apelojnë qytetarëve që vendosshmërisht t’i bojkotojnë zgjedhjet presidenciale 2014. (Miftar Emini, TVM2)