Argjentina fiton edhe pa Messin, fitore historike e Panamas

Albicelestët treguan se janë skuadër dhe nuk varen nga një njeri duke fituar me rezultat 2-1 në ndeshjen e zhvilluat në Santa Clara. Superylli i Barcelonës ishte një rezervë papërdorur, pasi trajneri Gerardo Martino nuk dëshironte të rrezikojë me kapitenin që po mjekohet nga lëndimi në shpinë.  

 

Angel di Maria (51’) dhe Ever Banega (59’) shënuan dy gola të shpejtë në pjesën e dytë, derisa Jose Fuenzalida shënoi një gol për Kilin në fund të ndeshjes. 

 

Në ndeshjen tjetër të zhvilluar në Orlando të Floridas, një dygolësh i Blaz Perez i dha suksesin 2-1 Panamsë ndaj Bolivisë. Për përfaqësuesen amerikano-jugore barazoi përkohëisht shifrat Arce.