Akademia Ushtarake, shpallet konkursi për kandidatët e rinj

Akademia Ushtarake  në Shkup shpalli konkursin për regjistrimin e kadetëve të rinj për nevojat e Ministrisë së Mbrojtjes dhe Armatës dhe për studentë për drejtimin Menaxhment i krizës, mbrojtje dhe shpëtim, për vitin studimor 2016/2017. 

Terminët për dorëzimin e dokumenteve në afatin e parë të regjistrimit janë më 27, 28 dhe 29 qershor, prej orës 08:30 deri më 16:30 në Akademinë Ushtarake. 

Dokumentet nga matura shtetërore dhe dëftesa për vitin e katërt të përfunduar të shkollës së mesme mund të dorëzohen në mënyrë shtesë deri në fund të korrikut të këtij viti. 

Nga Akademia u bëjnë thirrje kandidatëve të interesuar, të cilët i plotësojnë kushtet, të paraqiten në konkurs. 

“Procesi i zgjedhjes është transparent dhe i bazuar në kritere të definuara, cilësi, dhe rezultate të treguara të kandidatëve të paraqitur.”- thonë nga kjo Akademi.