Popovski u prezantua në Gostivar

Kandidati presidencial nga Opsioni Qytetar për Maqedoninë, Zoran Popovski, mbrëmë përpara qytetarëve të Gostivarit, ka theksuar se ai do të qëndrojë me qytetarët, të cilët do të ndihen të dëmtuar dhe njëkohësisht u zotua se nuk do të votojë asnjë ligj i cili do të shkon në dëm të qytetarëve.

 

Për rolin e tij si president i mundshëm, ai tha se do të  mbetet fuqishëm i përkushtuar në  ruajtjen e identitetit dhe gjuhës maqedonase, si dhe nuk do të lejojë që  problemet e brendshme shtetërore, të  jenë  agjendë e ndërkombëtarëve.

 

“Dua t’ju porosis fuqishëm dhe padyshim se nuk ka shmangie nga emri kushtetues dhe identiteti  dhe nga identiteti i qytetarëve. Mjaft e kemi nga deklaratat boshe, se duam të integrohemi në BE dhe në NATO. Ne atë do ta bëjmë në mënyrë reale. Duam t’i hapim të gjitha mosmarrëveshjet në raport me emrin dhe identitetin. Qëllimi ynë kryesor është që ta ngrisim qytetarin në piedestalin më të lartë  ë jetës politike. Në 20 vjeçarin e kaluar, partitë politike rrëmbyen gjithçka dhe nuk lanë  hapësirë  për të vërtetën e qytetarëve”, deklaroi nga Opsioni Qytetar për Maqedoninë, Zoran Popovski.

 

Popovski mbrëmë ka realizuar takim edhe me qytetarët e Tetovës, i cili njëherit i ka falënderuar të gjitha komunitetet që  jetojnë  në  Tetovë, për përkrahjen që i dhanë partisë Opsioni Qytetar për Maqedoninë. 

 

Kandidati presidencial, Popovski, garantoi para simpatizantëve të  Tetovës, se kabinetin presidencial do të ofrojë kushte për krijimin e prioriteteve kyçe nacionale. (Nermin Mulaki-Fejzullahu, TVM2)