Britani, homazhe për deputeten e vrarë

Bashkëshorti i saj tha se Cox kishte luftuar për një botë më të mirë.

 

Mediat britanike raportojnë se vrasësi thirri dy herë “Britania e para”, ndërsa sulmonte deputeten. Një 52-vjeçar i identifikuar si Thomas Mair është arrestuar për sulmin. 

 

Cox është deputetja e parë në detyrë që vritet që prej vitit 1990, kur Ian GoU ishte i fundit i një vargu politikanësh të vrarë nga grupet terroriste irlandezo-veriore.

 

Policia britanike deri tani nuk ka diskutuar për motivet e sulmit, pavarësisht raporteve se i arrestuari kishte simpati për grupet e ekstremit të djathtë.

 

Por, partia e djathtë “Britania e Para”, publikoi një komunikatë me të cilën dënoi vrasjen dhe tha se nuk kishte të bënte fare me ngjarjen.

 

Në fillim të vitit, një person mori urdhër kufizimi pasi Jo Cox i tha policisë së kishte marrë mesazhe kërcënuese.

 

Por, policia britanike deklaroi se nuk bëhet fjalë për të njëjtin person që u arrestua në Birstall.