Iordanescu: sekreti i Shqipërisë, tifozët

Ai ka shprehur keqardhje për humbjen që mund ta paguajë me vendin e tij të punës.

“Një humbje është një humbje dhe na vjen keq që ndodhi. Ne kishim shumë mundësi për të shënuar. E nisëm ndeshjen shumë mirë dhe e kontrolluam ndeshjen. Për shkak të një gabimi në mbrojtje, ne e pësuam golin. Në pjesën e dytë, ne u munduam të imponojmë lojën tonë dhe të qarkullojmë më shumë topin. Mendoj se tifozët shqiptarë i dhanë energji skuadrës së Shqipërisë dhe e ndihmuan atë të shënonte”,- u shpreh trajneri rumun. 

I pyetur nëse Rumania meritonte kualifikimin, Iordanescu nuk e ka dhënë një përgjigje të prerë, duke thënë se kur nuk fiton nuk e meriton as kualifikimin. 

“Bëmë një ndeshje shumë të mirë kundër Francës dhe kishim shumë mundësi shënimi ndaj Zvicrës. Sot është një humbje që dhemb për kombëtaren tonë. A e merituam kualifikimin? Po dhe jo. Nëse ju nuk merrni një fitore, nuk e meritoni kualifikimin”,- u shpreh ai.