LSDM dorëzoi padi ndaj gjykatëses për rastin “Fortesa”

Nga opozita kërkojnë që Këshilli gjyqësor të ngrejë procedurë për punë joprofesionale dhe të pandërgjegjshme të gjykatëses, Pop Stefanija.

 

"Vendimi i gjykatëses, Pop Stefania, që PSP-ja është jokompetente rreth rastit për shkatërrim të pajisjes për përgjimin joligjor është në kundërshtim me ligjin dhe duhet urgjentisht të pezullohet nga Këshilli Penal i Gjykatës Themelore Shkup 1. Obligimi i Këshillit Gjyqësor është të zbatojë procedurë për punën joprofesionale dhe joadekuate kundër gjykatëses, Aleksandra Pop Stefanija, që solli vendim në kundërshtim me ligjin",- deklaroi anëtari i bordit ekzekutiv të LSDM-së, Lupço Nikollovski.  

 

Sipas tij, Këshilli gjyqësor e ka obligim të zbatojë procedurë edhe kundër kryetarit të Gjykatës Themelore Shkup 1, Vlladimir Pançevski, për punën joprofesionale dhe joadekuate, dhe shkelje të dispozitave.