Ylber Sela: BE kërkon marrëveshje nga katër liderët

 

“Edhe njëherë u tha qartë se Maqedonia ka probleme të mëdha të cilat po shihen dita ditës dhe shteti po ndodhet në situatë të palakmueshme që nuk ka qenë asnjëherë në zhvillimin politik të saj. Edhe njëherë bashkësia ndërkombëtare dëshmoi se është e interesuar për zgjidhje konkrete, ku do të pajtohen të katër liderët. Pa pajtim të katër liderëve nuk mund të ketë zgjidhje të situatës politike. Këtë duhet ta kuptojë politika e brendshme, duhet ta kuptojnë liderët politik, qoftë ata maqedonas, qoftë ata shqiptarë”,- deklaroi profesori universitar, Ylber Sela.

 

Implementimi i Marrëveshjes së Përzhinës, zhvillimi i sundimit të së drejtës, përkrahja e punës së PSP-së, si dhe implementimi i reformave prioritare ishin mesazhet kryesore të cilat mbrëmë i përcolli përfaqësuesja e Lartë për Politikë të Jashtme dhe Siguri, Federica Mogherini, pas përfundimit të seancës së Këshillit të Ministrave të Jashtëm, mbajtur në Luksemburg.