SHBA-ja transferoi një të burgosur nga Guantanamo në Mal të Zi

 

Sipas dokumenteve të pentagonit, Al-Rahabi (37) është transferuar në Guantanamo në janar të vitit 2002, pasi që është akuzuar se ka qenë truproje e Osama bin Ladenit, liderit të vrarë të Al Kaedës.

 

Komisioni amerikan për shqyrtim të dënimeve në dhjetor të vitit 2014 konstatoi se Al-Rahabi nuk paraqet rrezik të rëndësishëm për SHBA-në dhe rekomandoi transferin e tij, thuhet në kumtesën e Pentagonit.

 

Presidenti amerikan Barak Obama, i cili insiston në mbylljen e burgut në Guantanamo para se të largohet nga detyra në janar të vitit të ardhshëm, në shkurt e prezantoi planin para Kongresit të SHBA-së për mbylljen e tij, por për idenë e këtillë po përballet me kundërshtime të ashpra nga kongresistë të shumtë republikanë, si dhe nga disa prej radhëve të Partisë së tij demokratike.

 

Të burgosurit nga Guantanamo janë arrestuar jashtë vendit, kur SHBA-ja ishte e angazhuar në luftërat në Irak dhe Afganistan pas sulmeve në Nju-Jork dhe Uashington më 11 shtator të vitit 2001.

 

Objekti i burgut, të cilin e hapi paraardhësi i Obamës, Xhorxh Bush i riu, u bë simbol për trajtim agresiv ndaj të burgosurve, që shkaktoi akuza kundër SHBA-së për torturë./mia