Kriza politike, Bejli: funksionimi normal i PSP-së, domosdoshmëri

Ambasadori amerikan në Maqedoni, Xhes Bejli, vlerëson se partitë politike dhe të gjitha institucionet duhet të punojnë në mënjanimin e pengesave për punë normale të Prokurorisë Speciale Publike. Sipas Bejlit, të gjitha partitë duhet të angazhohen maksimalisht për zbatimin e Marrëveshjes së Përzhinës.

 

“I nxisim të gjitha partitë politike dhe institucionet të punojnë në mënjanimin e të gjitha pengesave për PSP-në. Kjo është shumë me rëndësi për vendosjen e përgjegjësisë për përgjimin dhe bisedat të cilat dolën prej tij. Siç tha BE-ja dje, përgjegjësia e partive është ta zbatojnë Marrëveshjen e Përzhinës dhe ta lëvizin Maqedoninë drejt anëtarësimit në BE dhe në NATO”, -deklaroi amasadori i ShBA-ve në RM, Xhes Bejli.

 

Bejli ka komentuar edhe deklaratën e LSDM-së për të bojkotuar punën e Kuvendit deri sa Gjykata Kushtetuese të vlerësojë kushtetutshmërinë e punës së PSP-së.

 

Sipas tij, Kuvendi duhet të punojë normalisht.