ShBA, ankesa për keqtrajtimet e diplomatëve në Rusi

Keqtrajtimi dhe spiunimi i diplomatëve amerikanë në Moskë është rritur dukshëm dhe sekretari amerikan i shtetit, John Kerry, e ka shtruar këtë çështje aktualisht me presidentin e Rusisë, Vladimir Putin.

 

Edhe ambasadat e tjera perëndimore kanë raportuar për sjellje të ngjashme ndaj diplomatëve të tyre në Moskë.

 

“Ne shohim rritje dhe e marrim atë seriozisht. Keqtrajtimi nga agjentët rusë të sigurisë dhe policia e trafikut, ishte çështje që ka ndodhur gjatë dy viteve të fundit, prej se Shtetet e Bashkuara kanë imponuar sanksione kundër Rusisë lidhur me agresionin e saj në Ukrainë”,- deklaroi zëdhënësja e Departamentit Amerikan të Shtetit, Elizabeth Trudeau.

 

Uashingtoni i ka tërhequr kredencialet e disa konsujve të nderit të Rusisë në muajin janar, si shenjë e hakmarrjes për keqtrajtimin e diplomatëve të vet.