ISIS kryen dy sulme në Bagdad, mbi 80 të vrarë dhe rrth 200 të plagosur
Në dy shpërthime në një zonë tregtare të Bagdadatit të Irakut kanë humbur jetën të paktën 83 persona dhe rreth 200 të tjerë janë plagosur...
Grupi i Shtetit Islamik ISIS, ka marrë menjëherë përgjegjësinë për sulmet, nëpërmjet një njoftimi në internet.
Sulmi i parë, që ndodhi mesnatën e së shtunës, u krye nga një kamikaz që hodhi veten dhe makinën e ngarkuar me eksploziv në zonën e Karadës, pranë një restoranti dhe një qendre tregtare.
Në momentin e shpërthimit zona ishte e mbushur plot me njerëz, që po darkonin jashtë pas perëndimit, si pjesë e riteve të muajit të Ramazanit.
Bomba e dytë shpërtheu në një zonë me banorë kryesisht shiitë në Veri të kryeqytetit Bagdad.
Sulmet vijnë vetëm një javë pasi forcat e sigurisë irakiane rimorën kontrollin e qytetit të Falluxhës nga duart e Shtetit Islamik.
Por ISIS vazhdon të kontrollojë zona të mëdha në Veri dhe Perëndim të Irakut, përfshirë Mosulin, qyteti i dytë më i madh në vend.
Zyrtarët Irakjan dhe mediat e kenë krahasuar sulmin në Bagdad me atë të modelit të sulmeve të fundit në Stamboll.
GYLTENE SINANI